السلام عليكم
اكيد كلنا مش واخذين على قصة رئيس والجو جديد ومتلخبطين عموما انا مشفت حتي واحد يستحق ايكون رئيس
لذلك لن ارشح احد واكتفي بمواصفات ترضيني في الرئيس القادم
1_ اول حاجة ايفكنا من اللاباس الغريب اصفر وموف وبرتقالي لا مايصير شي يلبس كيف خلق الله ورؤساء االعالم بدلة محترمة
2_ ثانيا ايلم شعره وينظمه والافضل ايكون اصلع
3_ ايفكنا من الالقاب كيف ملك قرود و امام اللي مش عارف شنو والجو القديم هظا لا لا نبوه اسمه ايكون الرئيس الفلاني
4_ الكرسي الرئاسي حنوصو عليه من برا واكيد حيكون تيفال اه مرات صاحبنه تعجبه القعدة ونحصلو فيه
5_ يلغي اي حاجة فيها كلمة لجان اصلا الكلمة هذي انتحسس منها ايبدلها باي حاجة ونبوه ايكون حافظ انشودة ((سوف نبقي هنا ))
6_مانبوش ايكثر خطابات في الضرورة بس واكيد يا ريت يسترسل في دوتا مش كل بعد كلمة اه ه ه ه ه ه ه ساعة بيش يعلق في الكلمة الاخرة ((اكيد فهمتو))
7_ ايفكنا من المواهب يكتفي بيهن لروحه مش يقعد ايألف في كتابات لا لا ((اكيد فهمتو))
8_طلب اخير يا ريت الاسرة الكريمة تقعد خلف الاضواء
ايوه هظا اللي طلع معايا في مواصفات رئيس احلامي
كان اذكرت حاجة اخرى تو انخطم عليكم مع التأكيد على انه هذا راي الشخصي
دمتم سالمين
تحياتي