اللي في سرت هلنا

بسم الله الرحمن الرحيم

السلام عليكم

مش عارف كيف نبدا في الموضوع المهم كان دويت وقلت في سرت حالة مأسوية ايقولو عليك طحلوب وكان سكتت الساكت على الحق شيطان اخرس

كان قلت سرت تقصف ايقولك كتائب تقصف في سرت وانا مقلتش لا اكيد كتائب بس حتي الناتو يقصف والقصف كم مرة جت في مدنيين

لما تحكي اتقول سرت مش معا القذافي ايقولولك لا سرت مدينة موالية تي كيف موالية وهي مقطوع عليها الكهرباء وجميع سبل الحياة بعدين كل يوم

المائات من السيارات تغادر سرت وهل الموالي يترك مولاه اكيد لا مش عارف ليش البعض ينكر ان في سرت عذاب بكل معني الكلمة سمعت انه

بعض الاهالي يسألون الشيوخ هل من الممكن اكل لحم القطط والكلاب السائبة اجلكم الله اذا كان هذا صحيح انا شخصيا لا استحق الحياة وابناء شعبي

وصلو لهذه الدرجة من المعانا عموما اذا تكلم شخص بهذه الطريقة اصبح معادي للثورة لكن انا من خلال طرحي هذا نبي نسأل كم سؤال وياريت

نسمع جوابكم مع انه صعب الجواب عليهن

س : في ظل قتال الثوار مع مرتزقة معمر ما مصير اطفال و نساء و شيوخ سرت ؟

س: لماذا لم يتم ارسال مساعدات انسانية من ليبيا نفسها وانا اعتب هنا على مدينتي بنغازي ؟

س: كيف ستصبح نظرة اهل سرت للثورة ؟

والسؤال الصعب : كيف نحافظ على ارواح عرب سرت واكيد طبعا بدون تراجع للثوار الاشاوس ؟

ملاحظة :: اقسم بالله العظيم

اقسم بالله العظيم

اقسم بالله العظيم

انا اصلي مش من سرت ولا مسقط راسي سرت ولا عمري زرت سرت لكن سرت ارض من ليبيا الغاللية

تحياتي

صحيح كلامك اخي الشريف ، وانا معك في كل الذي قلته هناك عائلات واطفال وشيوخ لاذنب لهم الا انهم من سكان سرت ، وكما كان يعتقد البعض ان سبها موالية للقذافي ولكن عندما دخل الثوار تفاجئو ان اهل سبها كلهم معهم ،فكذالك الكلام ينطبق على سرت هناك ناس ضعفاء ، فعلا الان هناك مأساة في سرت ، نأمل من الله عز زجل ان يفرج عليهم ، امين يارب العالمين

كان على اهل سرت ان يقفوا من اول يوم مع الثوره ولو بمظاهره بسيطه حتى لايحوم الشك حول ولائهم للثوره ولكنهم راو المنكر وسكتوا عليه فكان من المتوقع ان تحوم حولهم الشكوك

السلام عليكم

مشكور ادمن على مرورك وسبها معروفة بجهادها ومفش ليبي حر في اي بقعة على ليبيا يرضي بالظلم

بالنسبة لك يا بكوري سرت معروفة بمسقط راس القذافي ومعقل كتائبه ومعقل قبيلته وبعدين حتي كان يبوه

هذي حرية راي ونحن ثورتنا قامت على الحرية لكن بشرط ما يحملوش السلاح وهذا لا يبرر الحصار اللي هيا فيه

مشكور على وجهة رايك نورت الموضع

تحياتي

أخي الشريف .. موضوعك رائع جدا وحساس ..

وسؤالي لكل واحد راضي باللي يحصل لسرت باعتبارها مدينة مؤيدة وهذا الشئ جاباته لنفسها .. الخ

اذا كانت منطقتك في نفس وضع سرت حاليا وانت شخص مع الثورة وتعرف ان منطقتك في الكثير

اللي مع الثورة ومش راضيين باللي يحصل غير مغلوب على امرهم .. هل ترضى بهذا؟

الوضع اللي تواجهه سرت حاليا ليس بسبب ان اغلب الناس مع القذافي كما يعتقد الكثيرين .. لا طبعا..

الوضع اللي فيه سرت بسبب ترسانة القذافي العسكرية واللي هيا تمركزت في سرت .. الم تسألوا انفسكم

ماللذي كان يعرقل تقدم الثوار من ناحية البريقة في الاشهر الماضية؟؟؟ .. كان هذا لسبب واحد هو ان

جبهة البريقة النفطية كانت الأهم عند القذافي وهذا لسببين اثنين .. اولا منع الثوار من السيطرة على البريقة

لما لها من اهمية اقتصادية .. ثانيا منعهم من التقدم لناحية مدينة سرت لما لها من اهمية استراتيجية ..

ولهذا ركز القذافي قوته في سرت والامدادات لكتائبه كانت تأتي من هذه المدينة .. وهذا يعطينا صورة

واضحة بان سرت هي حصن عسكري لهذا الطاغية والسكان ماهم الا ضحية في هذا الصراع ..

فعليكم بالدعاء لاخوتكم في سرت ان الله ايفرجها عليهم .. والثوار لايقاتلون إلا لاجل تخليص

هذه المدينة من هيمنة الطاغية وارجاعها لحضن الوطن ..

تحيــ ليبي حر ــاتي

السلام عليكم

مشكور خويا على مرورك القيم

بالنسبة لسرت اي واحد يعرف انها ترسانة معمر الموجهة للشرق لان مسكين كان عنده امل انه يسيطر على الشرق

عموما شوفو تمسك الطاغية بسرت انه طرابلس وقعت في ايدي الثوار وسرت الى الان لازالت بعض مناطقها تحت

سيطرة مرتزقته بعدين في كل خطاباته البائسة ايقول البريقة دونها الموت دليل على انه متمسك بيها لكن ربي

كان امعانا وحررت البريقة التي كانت تربتها ارتوت بشباب ليبيا من جميع مدن الشرق ومن لم يكن له شهيد او اسير في البريقة

عموما ربي يفتح علينا بنصر قريب وانشوفو ليبيا يرفرف عليها علم الحرية بو نجمة وهلال

انا من بنغازي واصلي من سرت انا في ناس كانت نتصل بيا من سرت تقولي في اخرى الوقت انتوا ياجردان تبوا نحكموا في البلاد في اول الثورة قبيلة القدافي طالعت ناس واجد من حوشينهم اليوم 4 من جارينا ماتوا في سرت عادر من اهل سرت لي هما القدافي وشكرا اخي الشريف

بالنسبه لأخى ليبي حر ماقصدته ان سرت لم تخرج من بدايه الثوره وكانت سرت وقتها خاليه من الكتائب التى تعج بها الان. حيث ان ثوارنا حينها وصلوا الى مشارف سرت فكان اجدى لو التحموا بالثوار وقتها ولكن سرت ابت الا ان تدافع على ابنها الطاغيه

هذا كلام صح خويا بكوري

سرت فيها 6 كتائب قبل الثورة مقارنة مع بنغازي كتيبة وحدة ((الفضيل بوعمر))

وبغض النظر اطلعت مظاهرات او لا مفش مبرر ايصيرلها اللي صايرلها توا

تي مراءة مومس دخلت الجنة في كلب يلهث مش ضنا بلادك المسلمين الليبيين العرب

كلامي ليس موجه لاحد بل هوا راي شخصي

ومصير اللي يحب امعمر ايجيه يوم ويندم انه تبع الشيطان بذاته

(( لقد كنا اذل قوم فأعزنا الله بالاسلام مهما ابتغينا العزة في غيره اذلنا الله))

والله والله ثم والله اي شخص تعتز به دون الله سيجعله الله سبب ذلك وهوانك في الدنيا والاخرة

وهذا حال من اعتزو بمعمر اذلهم الله منهم من هج خارج ليبيا الي مصر او تونس ومنهم من قضي بسوء

خاتمة ليدافع عن المقاتل المناضل الذي زج بهم في معركة وهوا قابع في احدى الحفر

لا اله الا انت سبحانك اني كنت من الظالمين

» شني البيت اللي تردده لوضاق صدركــــــــــــ